ಶಿವಮೊಗ್ಗಲ್ಲಿ ಇಂದಿನಿಂದ ಆರಂಭವಾದ ಫುಟ್ಬಾಲ್ ಕಿಕ್….
ಶಿವಮೊಗ್ಗ: ಮಲೆನಾಡಿನ ಕ್ರೀಡಾ ನಗರಿಯಾಗಿ ಹೆಸರು ಮಾಡಿರುವ ಶಿವಮೊಗ್ಗದಲ್ಲಿ ರಾಜ್ಯಮಟ್ಟದ ಅಂತರ್ಜಿಲ್ಲಾ ಫುಟ್ಬಾಲ್ ಪಂದ್ಯಾವಳಿಗೆ ಇಂದು ಬೆಳಿಗ್ಗೆ ಅದ್ಧೂರಿಯಾಗಿ ಚಾಲನೆ ದೊರೆಯಿತು.
ಬೆಳಗ್ಗಿನ ತಂಪಿನ ವಾತಾವರಣ ದ ಮೈದಾನಕ್ಕಿಳಿದ ತಂಡಗಳು ತಮ್ಮ ಚುರುಕಿನ ಆಟದಿಂದ ಕ್ರೀಡಾಭಿಮಾನಿಗಳಿಗೆ ರಸದೌತಣ ನೀಡಿದವು. ಆರಂಭಿಕ ಪಂದ್ಯದ ಹಾಸನ ಮತ್ತು ಚಿತ್ರದುರ್ಗ ಜಿಗಳ ತಂಡಗಳು ಮುಖಾಮುಖಿ ಯಾಗಿದ್ದು, ಕೊನೆಯವರೆಗೂ ಕುತೂಹಲ ಕಾಪಾಡಿದ ಪಂದ್ಯದಲ್ಲಿ ಹಾಸನ ತಂಡ ಜಯಭೇರಿ ಬಾರಿಸಿತು.
ಬೆಳಿಗ್ಗೆ ೭.೩೦ಕ್ಕೆ ಆರಂಭವಾದ ಪಂದ್ಯದಲ್ಲಿ ಮೊದಲ ನಿಮಿಷ ಗಳಿಂದಲೇ ಎರಡೂ ತಂಡಗಳು ಆಕ್ರಮಣಕಾರಿ ಆಟಕ್ಕೆ ಮುಂದಾ ದವು. ಮಧ್ಯಮೈದಾನದಲ್ಲಿ ಚೆಂಡಿನ ನಿಯಂತ್ರಣಕ್ಕಾಗಿ ನಡೆದ ಪೈಪೋಟಿ ಗಮನಸೆಳೆಯಿತು. ಚಿತ್ರದುರ್ಗ ತಂಡವು ವೇಗದ ಪಾಸ್ಗಳು ಮತ್ತು ಪ್ರತಿದಾಳಿಗಳ ಮೂಲಕ ಹಾಸನ ರಕ್ಷಣಾ ಸಾಲಿಗೆ ಒತ್ತಡ ಹೇರುವ ಪ್ರಯತ್ನ ಮಾಡಿತು. ಮತ್ತೊಂದೆಡೆ ಹಾಸನ ತಂಡವು ಸಮನ್ವಯದ ಆಟ, ನಿಖರ ಪಾಸ್ಗಳು ಹಾಗೂ ಶಿಸ್ತುಬದ್ಧ ರಕ್ಷಣಾತ್ಮಕ ತಂತ್ರದ ಮೂಲಕ ಎದುರಾಳಿಗೆ ತಿರುಗೇಟು ನೀಡಿತು.
ಮೊದಲಾರ್ಧದಲ್ಲಿ ಎರಡೂ ತಂಡಗಳು ಹಲವು ಅವಕಾಶಗಳನ್ನು ಸೃಷ್ಟಿಸಿದರೂ ಗೋಲು ದಾಖಲಿಸಲು ವಿಫಲವಾದವು. ಗೋಲ್ಕೀಪರ್ಗಳ ಚುರುಕಿನ ಸೇವ್ಗಳು ಹಾಗೂ ರಕ್ಷಣಾ ಆಟಗಾರರ ಸಮಯೋಚಿತ ತಡೆಗಳು ಪಂದ್ಯವನ್ನು ರೋಚಕ ಹಂತದಲ್ಲಿ ಉಳಿಸಿತು. ಪ್ರೇಕ್ಷಕರು ಪ್ರತಿಯೊಂದು ದಾಳಿ ಮತ್ತು ಪ್ರತಿದಾಳಿಗೂ ಚಪ್ಪಾಳೆ ಹೊಡೆದು ಆಟಗಾರರನ್ನು ಹುರಿದುಂಬಿಸಿದರು.
ದ್ವಿತೀಯಾರ್ಧದಲ್ಲಿ ಪಂದ್ಯ ಇನ್ನಷ್ಟು ವೇಗ ಪಡೆದುಕೊಂಡಿತು. ಹಾಸನ ತಂಡವು ಕ್ರಮೇಣ ಆಟದ ಮೇಲಿನ ಹಿಡಿತ ಸಾಧಿಸತೊಡಗಿತು. ಸುಮಾರು ಮಧ್ಯ ಭಾಗದಲ್ಲಿ ದೊರೆತ ಸುವರ್ಣಾವಕಾಶವನ್ನು ಸಮರ್ಪಕವಾಗಿ ಬಳಸಿಕೊಂಡ ಹಾಸನದ ಮುಂಚೂಣಿ ಆಟಗಾರ ಅದ್ಭುತ ಗೋಲು ಬಾರಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಆ ಗೋಲು ಮೈದಾನದಲ್ಲಿ ಹರ್ಷೋದ್ಗಾರ ಮೂಡಿಸಿತು. ಬಳಿಕ ಚಿತ್ರದುರ್ಗ ತಂಡ ಸಮಬಲ ಸಾಧಿಸಲು ಆಕ್ರಮಣಕಾರಿ ಆಟ ಪ್ರದರ್ಶಿಸಿದರೂ ಹಾಸನದ ರಕ್ಷಣಾ ಸಾಲು ದಿಟ್ಟವಾಗಿ ನಿಂತು ಎದುರಾಳಿಯ ಎ ಪ್ರಯತ್ನಗಳನ್ನು ವಿಫಲಗೊಳಿಸಿತು.
ನಿಗದಿತ ಅವಧಿ ಅಂತ್ಯಕ್ಕೆ ಹಾಸನ ತಂಡ ೧-೦ ಅಂತರದಲ್ಲಿ ಜಯ ಸಾಧಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿತು. ಆರಂಭಿಕ ಪಂದ್ಯವೇ ಕ್ರೀಡಾಭಿಮಾನಿಗಳಿಗೆ ತೀವ್ರ ಪೈಪೋಟಿಯ ರಸದೌತಣ ನೀಡಿದ ಹಿನ್ನೆಲೆ ಮುಂದಿನ ಪಂದ್ಯ ಗಳ ಬಗ್ಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಿದೆ.
ಇದಕ್ಕೂ ಮುನ್ನ ನಡೆದ ಉದ್ಘಾಟನಾ ಸಮಾರಂಭದಲ್ಲಿ ಶಿವಮೊಗ್ಗ ಜಿ ಬಿಜೆಪಿ ಅಧ್ಯಕ್ಷ ಎನ್.ಕೆ. ಜಗದೀಶ್ ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಪಂದ್ಯಾವಳಿಗೆ ಚಾಲನೆ ನೀಡಿ, ಗ್ರಾಮೀಣ ಹಾಗೂ ಜಿ ಮಟ್ಟದಲ್ಲಿ ಫುಟ್ಬಾಲ್ ಪ್ರತಿಭೆಗಳಿಗೆ ಇಂತಹ ಟೂರ್ನಿಗಳು ಉತ್ತಮ ವೇದಿಕೆಯಾಗುತ್ತವೆ ಎಂದು ಅವರು ಅಭಿಪ್ರಾಯಪಟ್ಟರು.
ಕಾರ್ಯಕ್ರಮದಲ್ಲಿ ಏಡನ್ ೨೧ ಕ್ಲಬ್ನ ಮಾಲೀಕ ನವೀನ್ ಅಂತೋನಿ, ಹಿರಿಯ ಫುಟ್ಬಾಲ್ ಆಟಗಾರ ಜೋನಸ್, ಜಿ ಫುಟ್ಬಾಲ್ ಸಂಸ್ಥೆಯ ಅಧ್ಯಕ್ಷ ಶ್ರೀನಾಥ್ ಎಸ್.ಆರ್., ಪ್ರಮುಖರಾದ ಶಿವರಾಜು, ವಿನ್ಸೆಂಟ್ ರೋಡ್ರಿಗಸ್, ಸೂಲಯ್ಯ, ಮೈಕಲ್ ಕಿರಣ್, ಮೇಲ್ವಿನ್ ಸಂಜಯ್, ಕ್ಲೆಮೆಂಟ್ ರಾಯನ್, ಕಿರಣ್ ಫೆರ್ನಾಂಡಿಸ್, ಸುಸೈನಾದನ್, ವಿಶ್ವಾಸ್, ಸುನಿಲ್ ಡಿಸೋಜಾ ಹಾಗೂ ಹರ್ಷ ಭೋವಿ ಸೇರಿದಂತೆ ಹಲವಾರು ಗಣ್ಯರು ಉಪಸ್ಥಿತರಿದ್ದರು.
ಪಂದ್ಯಾವಳಿಯ ಆರಂಭಿಕ ದಿನವೇ ಉತ್ತಮ ಪ್ರೇಕ್ಷಕರ ಬೆಂಬಲ ದೊರೆತಿದ್ದು, ಮುಂದಿನ ದಿನಗಳಲ್ಲಿ ಇನ್ನಷ್ಟು ಕಠಿಣ ಹಾಗೂ ರೋಚಕ ಪಂದ್ಯಗಳು ನಡೆಯಲಿವೆ ಎಂಬ ವಿಶ್ವಾಸವನ್ನು ಆಯೋಜಕರು ವ್ಯಕ್ತಪಡಿಸಿದರು.
