ಅವಳು ಅವಳೇ… ನನ್ನ ಬದುಕಿನ ಬೆಳಕು..

ಜೀವನ ಎನ್ನುವುದು ಒಂದು ವಿಚಿತ್ರ ಪಯಣ. ಈ ಪಯಣದಲ್ಲಿ ನಾವು ಸಾವಿರಾರು ಮುಖಗಳನ್ನು ನೋಡುತ್ತೇವೆ. ಕೆಲವರನ್ನು ಮೆಚ್ಚುತ್ತೇವೆ, ಕೆಲವರನ್ನು ಪ್ರೀತಿಸುತ್ತೇವೆ, ಮತ್ತೆ ಕೆಲವರನ್ನು ಕಾಲದ ಹರಿವಿನಲ್ಲಿ ಮರೆತುಬಿಡುತ್ತೇವೆ. ಆದರೆ ಕೆಲವರು ನಮ್ಮ ಬದುಕಿನ ಪುಸ್ತಕದಲ್ಲಿ ಕೇವಲ ಒಂದು ಅಧ್ಯಾಯವಾಗಿ ಉಳಿಯುವುದಿಲ್ಲ, ಬದಲಿಗೆ ಅವರು ಸಂಪೂರ್ಣ ಪುಸ್ತಕವಾಗಿಬಿಡುತ್ತಾರೆ. ಅವರ ನೆನಪು ನಮ್ಮ ಹೃದಯದ ಪ್ರತಿಯೊಂದು ಬಡಿತದಲ್ಲೂ ಪ್ರತಿಧ್ವನಿಸುತ್ತದೆ. ನಮ್ಮ ನಗು, ನಮ್ಮ ಕನಸು, ನಮ್ಮ ಮನ, ನಮ್ಮ ಏಕಾಂತ ಹೀಗೆ ಎಲ್ಲದರಲ್ಲೂ ಅವರ ನೆರಳು ಬೆರೆತುಹೋಗುತ್ತದೆ.
ಅಂತಹವಳು ಅವಳು. ಅವಳು ಅವಳೇ. ಅವಳನ್ನು ಯಾರೊಂದಿಗೂ ಹೋಲಿಸಲು ಸಾಧ್ಯವಿಲ್ಲ. ಏಕೆಂದರೆ ಕೆಲವು ಸೌಂದರ್ಯಗಳಿಗೆ ಉಪಮೆಗಳೇ ಇರುವುದಿಲ್ಲ. ಚಂದ್ರನಿಗೆ ಚಂದ್ರನೇ ಸಮಾನವಾಗಿರುವಂತೆ, ಹೂವಿನ ಪರಿಮಳಕ್ಕೆ ಹೂವೇ ಸಮಾನವಾಗಿರುವಂತೆ, ಅವಳ ಸೌಂದರ್ಯಕ್ಕೂ, ಅವಳ ಮನಸ್ಸಿಗೂ, ಅವಳ ನಗುವಿಗೂ ಅವಳೇ ಸಮಾನ.
ಅವಳ ಕಣ್ಣುಗಳಲ್ಲಿ ಒಂದು ಪ್ರಪಂಚವಿದೆ. ಆ ಕಣ್ಣುಗಳನ್ನು ನೋಡಿದಾಗ ಜೀವನದ ಎ ಗೊಂದಲಗಳು ಕ್ಷಣಮಾತ್ರದಲ್ಲಿ ಮರೆತುಹೋಗುತ್ತವೆ. ಅವಳ ನಗುವಿನಲ್ಲಿ ಒಂದು ಅದ್ಭುತ ಶಕ್ತಿ ಇದೆ. ಮನಸ್ಸು ಎಷ್ಟೇ ನೋವಿನಿಂದ ತುಂಬಿದ್ದರೂ ಅವಳ ಒಂದು ಕಿರು ನಗು ಸಾಕು, ಎಲ್ಲ ದುಃಖಗಳೂ ಬೆಳಗಿನ ಮಂಜಿನಂತೆ ಕರಗಿಹೋಗುತ್ತವೆ. ಕೆಲವೊಮ್ಮೆ ಅವಳು ಎದುರಿಗೆ ನಿಂತಾಗ ಮಾತುಗಳು ಕೈಕೊಡುತ್ತವೆ. ತುಟಿಗಳು ಮನವಾಗುತ್ತವೆ. ಆದರೆ ಹೃದಯ ಮಾತ್ರ ಸಾವಿರ ಕಥೆಗಳನ್ನು ಹೇಳುತ್ತಿರುತ್ತದೆ. ಅವಳ ಒಂದು ನೋಟ ಸಾಕು, ದಿನವಿಡೀ ಸಂತಸದಿಂದಿರಲು, ಅವಳ ಒಂದು ಮಾತು ಸಾಕು, ಬದುಕಿನ ಮೇಲೆ ಮತ್ತೆ ನಂಬಿಕೆ ಮೂಡಲು. ಅವಳನ್ನು ನೋಡಿದಾಗ ನನಗರಿವಿಲ್ಲದೇ ಈ ಹಾಡು ಗುನುಗುತ್ತಿರುತ್ತೇನೆ.
ಅನಿಸುತಿದೆ ಯಾಕೋ ಇಂದು…
ನೀನೇನೆ ನನ್ನವಳೆಂದು…
ಎಂಬ ಭಾವನೆ ಹೃದಯದ ಆಳದಿಂದ ಮೂಡಿ ಬರುತ್ತದೆ. ಯಾಕೆಂದರೆ ಅವಳನ್ನು ಕಂಡ ಕ್ಷಣದಿಂದ ನನ್ನ ಮನಸ್ಸು ಅವಳನ್ನೇ ತನ್ನ ಗಮ್ಯಸ್ಥಾನವನ್ನಾಗಿ ಮಾಡಿಕೊಂಡಿದೆ.
ಪ್ರೀತಿ ಎಂದರೆ ಕೇವಲ ಭೇಟಿಗಳಲ್ಲ. ಕೈ ಕೈ ಹಿಡಿದು ನಡೆಯುವುದಲ್ಲ. ಜೊತೆಯಾಗಿ ಮಾತನಾಡುವುದಲ್ಲ. ನಿಜವಾದ ಪ್ರೀತಿ ಎಂದರೆ ದೂರವಿದ್ದರೂ ಹತ್ತಿರವಾಗಿರುವ ಅನುಭವ. ಕಾಣದಿದ್ದರೂ ಕಣ್ಮುಂದೆ ಇರುವ ಭಾವನೆ. ಮಾತನಾಡದಿದ್ದರೂ ಹೃದಯದಲ್ಲಿ ನಿರಂತರ ಸಂಭಾಷಣೆ ನಡೆಯುವುದು. ಅವಳು ಹತ್ತಿರ ಇಲ್ಲದ ದಿನಗಳಲ್ಲೂ ಅವಳ ನೆನಪುಗಳು ನನ್ನ ನೆರಳಿನಂತೆ ಜೊತೆಯಾಗಿರುತ್ತವೆ. ಮುಂಜಾನೆ ಎzಗ ಮೊದಲ ನೆನಪು ಅವಳದು. ರಾತ್ರಿ ಕಣ್ಣು ಮುಚ್ಚುವಾಗ ಕೊನೆಯ ಕನಸು ಕೂಡ ಅವಳದೇ. ತಂಪಾದ ಗಾಳಿ ಬೀಸಿದಾಗ ಅದು ಅವಳ ಸ್ಪರ್ಶದಂತೆ ಭಾಸವಾಗುತ್ತದೆ. ಮಳೆಯ ಹನಿಗಳು ಬೀಳುವಾಗ ಅವಳ ನಗುವಿನ ಸದ್ದು ಕೇಳಿದಂತೆ ಅನಿಸುತ್ತದೆ. ರಾತ್ರಿ ನಕ್ಷತ್ರಗಳನ್ನು ನೋಡಿದಾಗ ಅವಳ ಕಣ್ಣುಗಳ ಹೊಳಪು ನೆನಪಾಗುತ್ತದೆ. ಚಂದ್ರನ ಬೆಳಕಿನಲ್ಲಿ ಅವಳ ಮುಖದ ಮೃದುತ್ವ ಕಾಣುತ್ತದೆ. ಆಗ ಮನಸ್ಸು ಮತ್ತೊಂದು ಹಾಡಿನ ಸಾಲುಗಳನ್ನು ಗುನುಗುತ್ತದೆ…
ನಿನ್ನಿಂದಲೇ ನಿನ್ನಿಂದಲೇ…
ಕನಸೊಂದು ಶುರುವಾಗಿದೆ…
ಹೌದು, ಅವಳಿಂದಲೇ ನನ್ನ ಬದುಕಿನ ಹೊಸ ಅಧ್ಯಾಯ ಆರಂಭವಾಗಿದೆ. ಅವಳಿಂದಲೇ ಜೀವನಕ್ಕೆ ಹೊಸ ಅರ್ಥ ಸಿಕ್ಕಿದೆ. ಅವಳಿಂದಲೇ ಸಾಮಾನ್ಯ ದಿನಗಳೂ ವಿಶೇಷವಾಗಿವೆ. ಪ್ರೀತಿಯ ಭಾಷೆ ತುಂಬ ವಿಚಿತ್ರ. ಕೆಲವೊಮ್ಮೆ ಕಂಡರೂ ಕಾಣದಂತೆ ನಟಿಸುತ್ತದೆ. ಮಾತಾಡಬೇಕೆನಿಸಿದರೂ ಮನವಾಗಿರುತ್ತದೆ. ಹತ್ತಿರ ಹೋಗಬೇಕೆನಿಸಿದರೂ ದೂರದ ನಿಂತುಕೊಳ್ಳುತ್ತದೆ. ಆದರೆ ಆ ಮನದೊಳಗೆ ಸಾವಿರ ಮಾತುಗಳು ಇರುತ್ತವೆ. ಆ ನೋಟದೊಳಗೆ ಸಾವಿರ ಕನಸುಗಳು ಇರುತ್ತವೆ. ಆ ಹೃದಯದೊಳಗೆ ಅನಂತ ಪ್ರೀತಿ ಇರುತ್ತದೆ.
ಅವಳೊಂದಿಗೆ ಕಳೆದ ಪ್ರತಿಯೊಂದು ಕ್ಷಣವೂ ನನ್ನ ನೆನಪಿನ ಅರಮನೆಯ ಅಮೂಲ್ಯ ರತ್ನವಾಗಿದೆ. ಅವಳು ನಕ್ಕ ಕ್ಷಣ, ಅವಳು ಮಾತನಾಡಿದ ಕ್ಷಣ, ಅವಳು ಮನವಾಗಿದ್ದ ಕ್ಷಣ ಎಲ್ಲವೂ ನನ್ನ ಮನಸ್ಸಿನ ಗೋಡೆಗಳ ಮೇಲೆ ಸುಂದರ ಚಿತ್ರಗಳಾಗಿ ಉಳಿದಿವೆ.
ಕೆಲವರು ಬದುಕಿಗೆ ಬರುತ್ತಾರೆ ಮತ್ತು ಹೋಗುತ್ತಾರೆ. ಆದರೆ ಕೆಲವರು ಮಾತ್ರ ಬಂದು ಬದುಕಿನ ಅರ್ಥವನ್ನೇ ಬದಲಾಯಿಸುತ್ತಾರೆ. ಅವರು ನಮ್ಮ ಜೀವನದ ಒಂದು ಭಾಗವಾಗುವುದಿಲ್ಲ, ನಮ್ಮ ಜೀವನದ ಕಾರಣವಾಗಿಬಿಡುತ್ತಾರೆ. ಅವಳು ಹಾಗೆಯೇ. ಅವಳು ನನ್ನ ಬದುಕಿನ ಒಂದು ಪಾತ್ರವಲ್ಲ. ಅವಳೇ ನನ್ನ ಬದುಕಿನ ನೈಜ ಕಥೆ.
ಅವಳು ನನ್ನ ಕನಸುಗಳ ಗಮ್ಯಸ್ಥಾನ. ಅವಳು ನನ್ನ ಉಸಿರಿನ ಅರ್ಥ. ಅವಳು ನನ್ನ ಹೃದಯದ ಸ್ಪಂದನೆ. ಅವಳು ನನ್ನ ಆತ್ಮದ ಹಾಡು. ನನ್ನ ಪ್ರತಿಯೊಂದು ಉಸಿರಿನಲ್ಲೂ ಅವಳ ಹೆಸರು ಬೆರೆತಿದೆ. ನನ್ನ ಪ್ರತಿಯೊಂದು ಪ್ರಾರ್ಥನೆಯಲ್ಲಿ ಅವಳ ಸುಖಕ್ಕಾಗಿ ಒಂದು ಮನ ಮನವಿ ಅಡಗಿದೆ. ನನ್ನ ಪ್ರತಿಯೊಂದು ಕನಸಿನಲ್ಲೂ ಅವಳ ನಗುವಿನ ಬೆಳಕು ಹೊಳೆಯುತ್ತದೆ.
ಪ್ರೀತಿಯ ಅಕ್ಷರಗಳಿಗೆ ರೂಪಕೊಟ್ಟರೆ ಅದು ಅವಳ ಮುಖವಾಗುತ್ತದೆ. ಬದುಕಿನ ಅರ್ಥವನ್ನು ಪದಗಳಲ್ಲಿ ಕಟ್ಟಬೇಕೆಂದರೆ ಅದು ಅವಳ ನೆನಪಾಗುತ್ತದೆ. ಸಂತೋಷಕ್ಕೆ ಒಂದು ಹೆಸರು ಇಡಬೇಕೆಂದರೆ ಅದು ಅವಳ ಹೆಸರಾಗುತ್ತದೆ.
ಆದ್ದರಿಂದಲೇ ಅವಳನ್ನು ಯಾರೊಂದಿಗೂ ಹೋಲಿಸಲು ಸಾಧ್ಯವಿಲ್ಲ. ಏಕೆಂದರೆ ಈ ಜಗತ್ತಿನಲ್ಲಿ ಅವಳಂತೆ ಮತ್ತೊಬ್ಬಳು ಇರಲು ಸಾಧ್ಯವೇ ಇಲ್ಲ.
ಅವಳು ಅವಳೇ…
ನನ್ನ ಹೃದಯದ ಪ್ರತಿಯೊಂದು ಬಡಿತದಲ್ಲೂ ಪ್ರತಿಧ್ವನಿಸುವ ಹೆಸರು. ನನ್ನ ಏಕಾಂತದ ಪ್ರತಿಯೊಂದು ಮನದಲ್ಲೂ ಕೇಳಿಬರುವ ಧ್ವನಿ. ನನ್ನ ಬದುಕಿನ ಪ್ರತಿಯೊಂದು ಬೆಳಕಿನ ಹಿಂದೆ ಇರುವ ಕಾರಣ.
ಅವಳು ನನ್ನವಳು…
ಅದಕ್ಕೇ ಅವಳು ಅಪರೂಪಳು…
ಅಪರೂಪಳಷ್ಟೇ ಅಲ್ಲ, ನನ್ನ ಬದುಕಿನ ಅತ್ಯಂತ ಸುಂದರವಾದ ಅಧ್ಯಾಯ ಅವಳು…!