ಹೃದಯದ ತಾಳದಲ್ಲಿ ಮೂಡಿದ ಪ್ರೀತಿ ಮಿಡಿಯುವ ಮನಗಳ ನಿಷ್ಶಬ್ದ ಸಂಗೀತ…

ಹೃದಯದ ಪ್ರತಿಯೊಂದು ತಾಳದಲ್ಲೂ ಕೆಲವು ಕಥೆಗಳು ಮನವಾಗಿ ಅಡಗಿರುತ್ತವೆ. ಅವು ಕಾಗದದ ಮೇಲೆ ಬರೆಯಲಾಗುವುದಿಲ್ಲ, ಶಬ್ದಗಳಲ್ಲಿ ಹಿಡಿಯಲಾಗುವುದಿಲ್ಲ. ಆದರೆ ಅವು ನೋಟಗಳಲ್ಲಿ ಮಾತನಾಡುತ್ತವೆ. ಮನದ ಅರ್ಥವಾಗುತ್ತವೆ. ಆ ನೋಟಗಳ ನಡುವೆ ಹುಟ್ಟುವ ಆ ಸ್ಪರ್ಶವಿಲ್ಲದ ಅನುಭವವೇ ನಿಜವಾದ ಪ್ರೀತಿ.
ಅವಳ ನಗು… ಅದು ಕೇವಲ ಆಕೆಯ ಮುಖದ ಅಲಂಕಾರವಲ್ಲ. ಅದು ಅವನ ಬದುಕಿನ ಕತ್ತಲೆಯ ನಡುವೆ ಮೂಡುವ ಪ್ರಭಾತದ ಬೆಳಕು. ಅವಳು ನಗುವಾಗ, ಅವನ ಹೃದಯದಲ್ಲಿ ವರ್ಷಗಳಿಂದ ಮಡುಗಟ್ಟಿದ್ದ ದುಃಖಗಳು ಕ್ಷಣಾರ್ಧದಲ್ಲಿ ಕರಗಿ ಹೋಗುತ್ತವೆ. ಆ ನಗು ಅವನಿಗೆ ಹೊಸ ಬದುಕಿನ ನಿರೀಕ್ಷೆ.. ಹೊಸ ಕನಸುಗಳ ಹುಟ್ಟು ಆಗುತ್ತದೆ.
ಹಾಗೆಯೇ, ಅವನ ಸನ್ನಿಽ ಅವಳಿಗೆ ಅದು ಕೇವಲ ಒಬ್ಬ ವ್ಯಕ್ತಿಯ ಜೊತೆಯಲ್ಲಿರುವ ಭಾವನೆ ಅಲ್ಲ. ಅದು ಒಂದು ಆಶ್ರಯ, ಒಂದು ನೆಮ್ಮದಿ. ಹೊರಗಿನ ಜಗತ್ತು ಎಷ್ಟೇ ಗದ್ದಲದಿಂದ ಕೂಡಿದ್ದರೂ, ಅವನ ಜೊತೆಯಲ್ಲಿರುವಾಗ ಅವಳ ಪ್ರಪಂಚದಲ್ಲಿ ಮನದ ಸಂಗೀತ ಮಾತ್ರ ಕೇಳಿಸುತ್ತದೆ. ಆ ಮನದಲ್ಲಿ ಅವಳು ತನ್ನನ್ನು ಕಂಡುಕೊಳ್ಳುತ್ತಾಳೆ. ಸುರಕ್ಷಿತವಾಗಿ… ಸಂಪೂರ್ಣವಾಗಿ…
ಪ್ರೀತಿ ಎಂದರೆ… ನಾನು ನಿನ್ನ ಪ್ರೀತಿಸುತ್ತೇನೆ ಎಂಬ ಮೂರು ಪದಗಳಲ್ಲಿ ಸೀಮಿತವಾಗುವುದಿಲ್ಲ. ಅದು ಹೃದಯದಿಂದ ಹೃದಯಕ್ಕೆ ಹರಿಯುವ ಅನಿರ್ವಚನೀಯ ಅನುಭವ. ಅದು ಮನಸ್ಸು ಮಾತ್ರ ಅರ್ಥಮಾಡಿಕೊಳ್ಳುವ ಒಂದು ವಿಶೇಷ ಭಾಷೆ.

ನಿನ್ನ ಕಂಡ ನನ್ನ ಕಣ್ಣು ಎಂದೆಂದೂ
ಬೇರೆನೂ ನೋಡದು..
ಮುತ್ತಂತ ಮಾತೊಂದೇ…
ಆನಂದಾ ನೀ ತಂದೇ…
ಎಂಬ ಹಾಡಿನ ಸಾಲುಗಳಂತೆ, ಒಂದು ಮನಸ್ಸು ಇನ್ನೊಂದು ಮನಸ್ಸಿಗೆ ಸ್ಪರ್ಶಿಸಿದಾಗ, ಮಾತುಗಳ ಅವಶ್ಯಕತೆ ಉಳಿಯುವುದಿಲ್ಲ. ನೋಟಗಳು ಸಾಕು. ಒಂದು ಸಣ್ಣ ನಗು ಸಾಕು. ಒಂದು ಕ್ಷಣದ ಮನ ಸಾಕು.
ಅವರಿಬ್ಬರಿಗೂ ಪ್ರತಿಯೊಂದು ಕ್ಷಣವೂ ವಿಶಿಷ್ಟ. ಒಟ್ಟಿಗೆ ಕಳೆದ ಪ್ರತಿಯೊಂದು ಕ್ಷಣವೂ ಹೊಸ ಕಥೆಯಾಗುತ್ತದೆ. ಆ ಕ್ಷಣಗಳಲ್ಲಿ ಭೂತಕಾಲದ ನೋವುಗಳಿಲ್ಲ… ಭವಿಷ್ಯದ ಭಯಗಳಿಲ್ಲ… ಕೇವಲ ಇಂದಿನ ಸಂತೋಷ ಮಾತ್ರ. ಅದೇ ಜೀವನದ ಅತ್ಯಂತ ಸುಂದರ ಅಧ್ಯಾಯ. ಯಾರೂ ಓದದ, ಆದರೆ ಇಬ್ಬರೂ ಬದುಕುವ ಕಥೆಯಾಗಿದೆ.
ಕಣ್ಣು ತೆರೆಸಿದ ಹೆಣ್ಣು..
ಕಣ್ತೆರೆದು ನೋಡು…
ನಾನಿನ್ನ ಪ್ರೀತಿಸುವೆ.. ಪ್ರೀತಿಸಿ ನೋಡು…
ಎಂಬ ಸಾಲುಗಳಲ್ಲಿ ಒಂದು ಆಹ್ವಾನವಿದೆ. ಅದು ಕೇವಲ ಪ್ರೀತಿಸಲು ಮಾತ್ರವಲ್ಲ, ಪ್ರೀತಿಯನ್ನು ಅನುಭವಿಸಲು, ಅದನ್ನು ಹೃದಯದಿಂದ ಅರ್ಥಮಾಡಿಕೊಳ್ಳಲು.
ನಿಜವಾದ ಪ್ರೀತಿ ಎಂದರೆ ಒಬ್ಬರನ್ನು ನೋಡುವುದಲ್ಲ, ಅವರ ಮನಸ್ಸನ್ನು ಕಾಣುವುದು. ಅವರ ಸಂತೋಷದಲ್ಲಿ ತನ್ನನ್ನು ಮರೆತು ಬದುಕುವುದು. ಅವರ ನೋವಿನಲ್ಲಿ ಕೈ ಹಿಡಿದು ನಿಂತುಕೊಳ್ಳುವುದು.
ಅದು ಗದ್ದಲ ಮಾಡುವುದಿಲ್ಲ… ಪ್ರಚಾರ ಮಾಡುವುದಿಲ್ಲ… ಅದು ಮನದಲ್ಲಿ ಬೆಳೆಯುತ್ತದೆ, ಹೃದಯದ ತಾಳದಲ್ಲಿ ತನ್ನದೇ ಆದ ಸಂಗೀತವನ್ನು ರಚಿಸುತ್ತದೆ. ಆ ಸಂಗೀತ ಎಲ್ಲರಿಗೂ ಕೇಳಿಸುವುದಿಲ್ಲ. ಆದರೆ ಅದನ್ನು ಅನುಭವಿಸುವ ಹೃದಯಗಳಿಗೆ ಮಾತ್ರ ಸ್ಪಷ್ಟವಾಗಿ ಕೇಳಿಸುತ್ತದೆ.
ಮಿಡಿಯುವ ಮನಗಳು ಎರಡು…
ಆದರೆ ಮಿಡಿತದ ರಾಗ ಒಂದೇ…
ಆ ರಾಗದಲ್ಲಿ ಇಬ್ಬರೂ ಒಂದಾಗಿ ಹೋಗುತ್ತಾರೆ. ಬೇರೆ ಬೇರೆ ವ್ಯಕ್ತಿಗಳಾಗಿದ್ದರೂ, ಒಂದು ಹೃದಯವಾಗಿ ಬದುಕುತ್ತಾರೆ.
ಹೀಗಾಗಿ,
ಪ್ರೀತಿಯನ್ನು ಮಾತುಗಳಲ್ಲಿ ಹುಡುಕಬೇಡಿ,
ಅದನ್ನು ಹೃದಯದಲ್ಲಿ ಕೇಳಿ.
ನಿಮ್ಮೊಳಗೆ ಅದು ಈಗಾಗಲೇ ಮಿಡಿಯುತ್ತಿರಬಹುದು…
ನೀವು ಕೇಳಲು ಮಾತ್ರ ಕಾಯುತ್ತಿದೆ….