ಸಾಧನೆಯ ವೇದಿಕೆಯಲ್ಲಿ ಅರಳಿದ ಪ್ರೀತಿ…

ಕೆಲವು ಕ್ಷಣಗಳು ಜೀವನದಲ್ಲಿ ಕೇವಲ ನೆನಪುಗಳಾಗಿಯೇ ಉಳಿಯುವುದಿಲ್ಲ. ಅವು ಮನದೊಳಗೆ ಮನವಾಗಿ ಅರಳುವ ಭಾವನೆಗಳಾಗಿ ರೂಪಾಂತರಗೊಳ್ಳುತ್ತವೆ.
ನನಗೆ ಮಹಿಳಾ ದಿನಾಚರಣೆಯ ಆ ಸಂಜೆ ಅಂತಹ ಒಂದು ಕ್ಷಣ. ಜನಸಮೂಹದಿಂದ ತುಂಬಿದ ಸಭಾಂಗಣ. ವೇದಿಕೆಯಲ್ಲಿ ದೀಪಗಳ ಬೆಳಕು. ಸಾಧನೆಯ ಕಥೆಗಳನ್ನು ಹೊತ್ತು ಬಂದ ಅನೇಕ ಮಹಿಳೆಯರ ಸನ್ಮಾನ. ಆ ಜನರ ಮಧ್ಯೆ ಕುಳಿತಿದ್ದ ನಾನು ಕೇವಲ ಒಂದು ಕಾರ್ಯಕ್ರಮ ನೋಡಲು ಬಂದವನಷ್ಟೇ.
ವೇದಿಕೆಯಲ್ಲಿ ನಿನ್ನ ಹೆಸರನ್ನು ಘೋಷಿಸಿದ ಕ್ಷಣವನ್ನು ಇನ್ನೂ ಮರೆಯಲಾರೆ. ನಿನ್ನನ್ನು ಸನ್ಮಾನಿಸಲು ಕರೆಯುತ್ತಿ zಗ ಅಲ್ಲಿ ಮೊಳಗಿದ ಚಪ್ಪಾಳೆಗಳ ಗದ್ದಲದ ಮಧ್ಯೆ ನನ್ನ ಮನಸ್ಸಿನಲ್ಲಿ ಮಾತ್ರ ನಿನ್ನ ಕುರಿತು ಹೆಮ್ಮೆ ಮೂಡಿತ್ತು. ನಿನ್ನನ್ನು ಸನ್ಮಾನಕ್ಕೆ ಕರೆಯುತ್ತಿzಗ ಮನಸ್ಸಿನೊಳಗೆ ಏನೋ ಅನಿರ್ವಚನೀಯ ಸ್ಪಂದನೆ ಮೂಡಿತು. ಅಚ್ಚರಿ, ಹೆಮ್ಮೆ, ಸಂತೋಷ ಈ ಮೂರೂ ಭಾವನೆಗಳು ಒಂದೇ ವೇಳೆ ನನ್ನ ಹೃದಯದೊಳಗೆ ಅಲೆಗಳಂತೆ ಎzಡಿದವು. ಆ ಮನದಲ್ಲಿ ಏನೋ ಹೊಸ ಭಾವನೆ ನಿಧಾನವಾಗಿ ಅರಳುತ್ತಿತ್ತು. ನನ್ನ ಮನಸ್ಸಿನೊಳಗೆ ಏನೋ ಹೊಸ ಸ್ಪಂದನೆ ಮೂಡಿತು.

ನೀನು ವೇದಿಕೆಗೆ ನಡೆದು ಬಂದಾಗ ನಿನ್ನ ಹೆಜ್ಜೆಗಳಲ್ಲಿ ಧೈರ್ಯದ ಛಾಯೆ, ನಿನ್ನ ಕಣ್ಣಿನಲ್ಲಿ ಕನಸುಗಳ ಹೊಳಪು, ನಿನ್ನ ಮುಖದಲ್ಲಿ ಸರಳವಾದ ಆದರೆ ಗಂಭೀರವಾದ ನಗು.. ಆ ಕ್ಷಣದಲ್ಲಿ ಎಲ್ಲರ ದೃಷ್ಟಿಯೂ ನಿನ್ನತ್ತವೇ ತಿರುಗಿತ್ತು. ಅಲ್ಲಿ ಮಾತನಾಡುತ್ತಿದ್ದ ಪ್ರತಿಯೊಬ್ಬರ ಮಾತುಗಳಲ್ಲಿ ನಿನ್ನ ಹೋರಾಟದ ಹಾದಿಯ ಪ್ರತಿಧ್ವನಿ ಕೇಳಿಸುತ್ತಿತ್ತು. ಪ್ರತಿಯೊಬ್ಬರ ಮಾತುಗಳಲ್ಲಿ ನಿನ್ನ ಸಾಧನೆಯ ಕಥೆ ಹೊಳೆಯುತ್ತಿತ್ತು. ನಿನ್ನ ಹಾದಿಯ ಕುರಿತು ಅವರು ಹೇಳುತ್ತಿದ್ದ ಪ್ರತಿಯೊಂದು ಪದವೂ ನಿನ್ನ ವ್ಯಕ್ತಿತ್ವದ ಒಂದು ಹೊಸ ಬೆಳಕನ್ನು ನನ್ನ ಮುಂದೆ ತೆರೆದಿಟ್ಟಿತು. ನೀನು ಎದುರಿಸಿದ ಸಂಕಷ್ಟಗಳು, ನೀನು ತಲುಪಿದ ಗುರಿಗಳು, ನಿನ್ನ ಕನಸುಗಳನ್ನು ನಂಬಿ ನಡೆದ ಹಾದಿ, ಅವುಗಳನ್ನೆಲ್ಲ ಕೇಳುತ್ತಿzಗ ನನ್ನ ಮನಸ್ಸಿನಲ್ಲಿ ನನಗರಿವಿಲ್ಲದೇ ನಿನ್ನ ಕುರಿತು ಹೆಮ್ಮೆ ಮತ್ತು ಪ್ರೀತಿ ಅರಳಿತು.
ಆ ಕ್ಷಣದಲ್ಲಿ ನನಗೆ ಅನಿಸಿತು, ಹೆಣ್ಣು ಎಂದರೆ ಕೇವಲ ಮನೆಯ ನಾಲ್ಕು ಗೋಡೆಗಳೊಳಗಿನ ಬದುಕು ಅಲ್ಲ. ಅದೇ ಅಡುಗೆಮನೆಯಲ್ಲಿ ಸೌಟು ಹಿಡಿದ ಕೈಗಳು ಒಂದು ದಿನ ಕನಸುಗಳ ಆಕಾಶವನ್ನೇ ಮುಟ್ಟಬಹುದು. ಆ ಸತ್ಯ ವನ್ನು ನೀನು ನಿನ್ನ ಬದುಕಿನಿಂದ ಜಗತ್ತಿಗೆ ತೋರಿಸಿz. ಅಂದಿನವರೆಗೆ ನಿನ್ನನ್ನು ನಾನು ಕೇವಲ ಪರಿಚಿತೆಯಂತೆ ನೋಡಿzನೇನೋ, ಆದರೆ ಆ ದಿನ ನಿನ್ನ ಸಾಧನೆಯ ಬೆಳಕಿನಲ್ಲಿ ನಿನ್ನ ವ್ಯಕ್ತಿತ್ವದ ಆಳವನ್ನು ಹೊಸದಾಗಿ ಕಂಡೆ. ನಿನ್ನ ಧೈರ್ಯ, ನಿನ್ನ ಸರಳತೆ, ನಿನ್ನ ನಗುವಿನ ಹಿಂದೆ ಅಡಗಿರುವ ಹೋರಾಟ ಇವೆಲ್ಲವೂ ನನ್ನ ಮನದ ಒಂದು ಮೂಲೆಯಲ್ಲಿ ನಿನಗಾಗಿ ಒಂದು ವಿಶೇಷ ಜಗವನ್ನು ನಿರ್ಮಿಸಿಬಿಟ್ಟವು.
ಆ ದಿನದ ನಂತರ ನಿನ್ನ ನೆನಪುಗಳು ಕೆಲವೊಮ್ಮೆ ನನ್ನ ಮನದೊಳಗೆ ಮಳೆಯ ಹನಿಗಳಂತೆ ಸುರಿಯುತ್ತವೆ.
ಕೆಲವು ನೆನಪುಗಳು ಹೀಗೆ…
ಅವುಗಳಲ್ಲಿ ತಂಪು ಇರುತ್ತದೆ,
ಅವುಗಳಲ್ಲಿ ಉಷ್ಣತೆ ಇರುತ್ತದೆ.
ಅವುಗಳನ್ನು ಅನುಭವಿಸಿದವರಿಗಷ್ಟೇ
ಅವುಗಳ ಅರ್ಥ ತಿಳಿಯುತ್ತದೆ.
ಕೆಲವೊಮ್ಮೆ ಅನಿಸುತ್ತದೆ,
ನಿನ್ನ ಸಾಧನೆಯ ಕಥೆ ಕೇಳಿದ ಆ ಕ್ಷಣದ ನನ್ನ ಮನದಲ್ಲಿ ನಿನ್ನ ಬಗ್ಗೆ ಒಂದು ಹೊಸ ಭಾವನೆ ಹುಟ್ಟಿತೇನೋ ಎಂದು. ನಿನ್ನನ್ನು ನೆನಸಿದಾಗ ಪದಗಳು ಹೀಗೆ ಕವಿತೆಯಾಗಿ ಹರಿದು ಬರುತ್ತವೆ…
ನಿನ್ನ ಕನಸುಗಳ ಹಾದಿಯಲ್ಲಿ
ನಿನ್ನ ಹೆಜ್ಜೆಗುರುತುಗಳ ಹಿಂದೆ
ಮನವಾಗಿ ನಡೆಯುವ ಒಂದು ಹೃದಯ
ಬಹುಶಃ ನನ್ನದೇ ಇರಬಹುದು..
ಮತ್ತೊಮ್ಮೆ ಯೋಚಿಸಿದಾಗ ಅನಿಸುತ್ತದೆ;
ನಿನ್ನಂತಹವರು ಕೇವಲ ತಮ್ಮ ಜೀವನವನ್ನೇ ಬದಲಿಸುವುದಿಲ್ಲ, ಇತರರ ಕನಸುಗಳಿಗೂ ಬೆಳಕಾಗುತ್ತಾರೆ. ಆದ್ದರಿಂದಲೇ ಇಂದು ನಿನ್ನನ್ನು ನೆನಸಿದಾಗ ನನ್ನ ಮನಸ್ಸು ಹೀಗೆ ಹೇಳುತ್ತದೆ…
ನೀನು ಕೇವಲ ಒಬ್ಬ ಮಹಿಳೆ ಅಲ್ಲ, ಒಂದು ಪ್ರೇರಣೆ, ಒಂದು ಧೈರ್ಯ, ಒಂದು ಕನಸುಗಳಿಗೆ ದಾರಿದೀಪ.
ಆ ದಿನ ವೇದಿಕೆಯಲ್ಲಿ ಸನ್ಮಾನ ಸ್ವೀಕರಿಸುತ್ತಿzಗ ನಿನ್ನ ಮುಖದಲ್ಲಿ ಮೂಡಿದ್ದ ಆ ನಗು ಇನ್ನೂ ನನ್ನ ನೆನಪಿನ ಅಂಗಳದಲ್ಲಿ ತೇಲುತ್ತಿದೆ. ಬಹುಶಃ ಅದು ಕೇವಲ ನಿನ್ನ ಸಾಧನೆಯ ನಗು ಅಲ್ಲ, ಅದು ಸಾವಿರಾರು ಹೆಣ್ಣುಮಕ್ಕಳ ಕನಸುಗಳ ನಗು. ಅದಕ್ಕೇನೋ ಇಂದಿಗೂ ನಿನ್ನ ನೆನಪು ಬಂದಾಗ ನನ್ನ ಮನಸ್ಸು ಪದೇ ಪದೇ ಹೀಗೆ ಹೇಳುತ್ತದೆ…
ಸಾಧನೆಯ ಬೆಳಕಿನಲ್ಲಿ ನಿನ್ನ ಮುಖ ಹೊಳೆಯುತ್ತಿzಗ
ನಿನ್ನತ್ತ ನೋಡುತ್ತಿದ್ದ ನನ್ನ ಕಣ್ಣುಗಳಲ್ಲಿ
ಅರಿವಿಲ್ಲದೆ ಹುಟ್ಟಿದ ಒಂದು ಪ್ರೀತಿ
ಇನ್ನೂ ಪದಗಳಾಗಿ ಹೊರಬರಲಿಲ್ಲ…
ಬಹುಶಃ ಆ ಪ್ರೀತಿ ಹೇಳುವುದಕ್ಕಿಂತ
ಮನದೊಳಗೆ ಮನವಾಗಿ ಉಳಿದಾಗಲೇ
ಅದು ಇನ್ನೂ ಸುಂದರವಾಗಿರಬಹುದು.