ಜೆಎನ್ಎನ್ಸಿಇ: ಉದ್ಯಮಿಗಳೊಂದಿಗೆ ಎಂಬಿಎ ವಿದ್ಯಾರ್ಥಿಗಳ ಸಂವಾದ…
ಶಿವಮೊಗ್ಗ : ನಗರದ ಜೆ.ಎನ್.ಎನ್ ಇಂಜಿನಿಯರಿಂಗ್ ಕಾಲೇಜಿನ ಎಂಬಿಎ ವಿದ್ಯಾರ್ಥಿಗಳು ಉದಯೋನ್ಮುಖ ಕೈಗಾರಿಕ ಸಂಸ್ಥೆಗಳ ಭೇಟಿ ಮತ್ತು ಉದ್ಯಮಿಗಳೊಂದಿಗೆ ಮುಕ್ತ ಸಂವಾದ ಕಾರ್ಯಕ್ರಮಕ್ಕೆ ಮುನ್ನುಡಿ ಇಟ್ಟಿದ್ದು, ಮೊದಲ ಭಾಗವಾಗಿ ನಗರದಲ್ಲಿ ಸ್ಥಾಪಿಸಿರುವ ಸ್ಥಳೀಯ ಆಹಾರ ಸಂಸ್ಕರಣ ಘಟಕವಾದ ಎಸ್.ಎ.ಪಿ ಬಯೋ ಪ್ರಾಡಕ್ಟ್ಸ್ ಸಂಸ್ಥೆಗೆ ಭೇಟಿ ನೀಡಿ ಉದ್ಯಮಿ ಕವಿತಾ ಅವರೊಂದಿಗೆ ಸಂವಾದ ನಡೆಸಿದರು.
ವಿದ್ಯಾರ್ಥಿಗಳಲ್ಲಿ ಉದ್ಯಮ ಶೀಲತೆಯ ವಾಸ್ತವ ಅನುಭವ ಗಳನ್ನು ಪಡೆಯುವುದು ಈ ಸಂವಾದದ ಪ್ರಮುಖ ಉzಶ ವಾಗಿದ್ದು, ಉದ್ಯಮಶೀಲತೆಯ ಉತ್ಸಾಹ, ಸವಾಲುಗಳು ಮತ್ತು ಸಬಲೀಕರಣದ ಸಾರವನ್ನು ಸೆರೆಹಿಡಿಯುವ ಪ್ರಯತ್ನ ವಿದ್ಯಾರ್ಥಿಗಳಿಂದ ನಡೆಯಿತು. ಎಂಬಿಎ ವಿದ್ಯಾರ್ಥಿಗಳಾದ ಚಂದನ, ದರ್ಶನ್, ಕಿರಣ್, ರಾಹುಲ್ ಮತ್ತು ಈಕ್ಷಾ ಸಂದರ್ಶನವನ್ನು ಮುನ್ನಡೆಸಿದರು.
ವಿದ್ಯಾರ್ಥಿಗಳೊಂದಿಗೆ ಮಾತನಾಡಿದ ಉದ್ಯಮಿ ಕವಿತಾ ಅವರು, ಅಡುಗೆ ಮನೆಯಲ್ಲಿ ಕೂಡಿಟ್ಟ ಉಳಿತಾಯದಲ್ಲಿ ಈ ಉದ್ಯಮ ಪ್ರಾರಂಭಿಸಲಾಗಿದ್ದು, ಚಟ್ನಿಪುಡಿ, ರಸಂ ಪುಡಿಯಂತಹ ಸಾಂಪ್ರದಾಯಿಕ ಪಾಕ ವಿಧಾನ ಗಳನ್ನು ಪುನರುಜ್ಜೀವನಗೊಳಿಸುವ ಮತ್ತು ಅವುಗಳನ್ನು ಸುಲಭವಾಗಿ ಕೈಗೆಟುಕುವಂತೆ ಮಾಡುವ ಬಯಕೆಯು ಹೊಸ ಉದ್ಯಮ ಪ್ರಾರಂಭಿಸಲು ಪ್ರೇರಣೆ ನೀಡಿತು. ಪ್ರಧಾನ ಮಂತ್ರಿಗಳ ಸೂಕ್ಷ್ಮ ಆಹಾರ ಸಂಸ್ಕರಣಾ ಉದ್ಯಮಗಳ ಯೋಜನೆಯು ಶಿವಮೊಗ್ಗ ಮತ್ತು ಸುತ್ತಮುತ್ತಲಿನ ಗ್ರಾಮೀಣ ಮಹಿಳೆಯರನ್ನು ಔಪಚಾರಿಕ ಉತ್ಪಾದನಾ ಘಟಕವನ್ನು ಪ್ರಾರಂಭಿಸಲು ಸಹಾಯ ಮಾಡಿತು ಎಂದು ವಿವರಿಸಿದರು.
ಉದ್ಯಮವು ಚಪಾತಿ, ಹೋಳಿಗೆ, ಚಟ್ನಿ ಪುಡಿ ಮತ್ತು ಕೋಲ್ಡ್-ಪ್ರೆಸ್ಡ್ ಎಣ್ಣೆಗಳಂತಹ ಸಾಂಪ್ರದಾಯಿಕ ಉತ್ಪನ್ನಗಳನ್ನು ಸಂಸ್ಕರಿಸುತ್ತದೆ. ಇವೆಲ್ಲವೂ ರಾಸಾಯನಿಕ ಮುಕ್ತ ಪದಾರ್ಥ ಗಳಾಗಿದ್ದು, ನೈರ್ಮಲ್ಯ ಪ್ರಕ್ರಿಯೆ ಬಳಸಿ ತಯಾರಿಸಲಾಗುತ್ತದೆ. ಈ ಉತ್ಪನ್ನಗಳು ಪ್ರಾಥಮಿಕವಾಗಿ ಈ ಪ್ರದೇಶದ ಪಿಜಿ ವಸತಿ ಸೌಕರ್ಯ ಗಳು, ಸಣ್ಣ ಹೋಟೆಲ್ಗಳು ಮತ್ತು ವಸತಿಗೃಹಗಳನ್ನು ಪೂರೈಸುತ್ತೇವೆ.
ಬಳಕೆದಾರರಿಂದ ಸಿಗುವ ಪ್ರಶಂಸನೀಯ ಮಾತುಗಳು ಮಾರುಕಟ್ಟೆಯಲ್ಲಿ ಹೆಚ್ಚು ಪ್ರಚಾರ ಪಡೆಯುವ ಮೂಲ ಶಕ್ತಿಯಾ ಗಿದ್ದು, ಬಲವಾದ ಗ್ರಾಹಕ ಸಂಬಂಧ ಗಳು ತಮ್ಮ ವ್ಯವಹಾರ ಬೆಳವಣಿಗೆ ಯಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಆರ್ಡರ್ ನಿರ್ವಹಣೆಗಾಗಿ ವಾಟ್ಸಾಪ್ ವ್ಯವಹಾರದಂತಹ ಸರಳ ತಂತ್ರeನಗಳನ್ನು ಅಳವಡಿಸಿ ಕೊಳ್ಳಲಾಗಿದೆ. ನಿಮಗೆ ತಿಳಿದಿರುವ eನದೊಂದಿಗೆ ಉದ್ಯಮ ಪ್ರಾರಂಭಿಸಿ, ಪರಿಪೂರ್ಣ ಸಮಯ ಕ್ಕಾಗಿ ಕಾಯಬೇಡಿ. ನಿರಂತರವಾಗಿ ಕಲಿಯಿರಿ, ಡಿಜಿಟಲ್ ಪರಿಕರ ಗಳನ್ನು ಹೆಚ್ಚು ಅಳವಡಿಸಿಕೊಳ್ಳಿ ಮತ್ತು ಮುಖ್ಯವಾಗಿ ನಿಮ್ಮನ್ನು ನೀವು ನಂಬಿ ಎಂದು ಸಲಹೆ ನೀಡಿದರು. ಎಂಬಿಎ ವಿಭಾಗದ ನಿರ್ದೇಶಕ ಡಾ.ಸಿ.ಶ್ರೀಕಾಂತ್, ಸಹಾಯಕ ಪ್ರಾಧ್ಯಾಪಕರಾದ ಡಾ. ಶಾಂತಿ ಕಿರಣ್, ಡಾ. ಸುಭದ್ರಾ ಪಿ.ಎಸ್. ಉಪಸ್ಥಿತರಿದ್ದರು.
