ತಾಳಗುಂದ ಪರಂಪರೆಯ ರಕ್ಷಣೆ ನಮ್ಮೆಲ್ಲರ ಹೊಣೆ: ಕೆ.ರೇವಣಪ್ಪ

493

ಶಿರಾಳಕೊಪ್ಪ: ಪ್ರಾಚೀನ ಹಿಂದೂ ಧರ್ಮದ ಶಕ್ತಿಕೇಂದ್ರವಾದ ತಾಳಗುಂದದ ಪರಂಪರೆಯ ರಕ್ಷಣೆ ಹಾಗೂ ಪೋಷಣೆ ಜವಾಬ್ದಾರಿ ತಮ್ಮೆಲ್ಲರ ಭುಜದ ಮೇಲಿದೆ ಎಂದೂ ಕರ್ನಾಟಕ ರಾಜ್ಯ ಅರಣ್ಯ ಅಭಿವದ್ಧಿ ನಿಗಮದ ಉಪಾಧ್ಯಕ್ಷ ಕೆ.ರೇವಣಪ್ಪ ತಿಳಿಸಿದರು.
ಹತ್ತಿರದ ತಾಳಗುಂದ ಗ್ರಾಮದ ಪ್ರಣವೇಶ್ವರ ದೇವಾಲಯಕ್ಕೆ ಪಂಚಮಿ ಹಬ್ಬದ ಪ್ರಯುಕ್ತ ಭೇಟಿ ನೀಡಿ ಪೂಜೆ ಸಲ್ಲಿಸಿ ಮಾತನಾಡಿದ ಅವರು, ತಾಳಗುಂದ ಗ್ರಾಮದ ಇತಿಹಾಸ ತಿಳಿಯದವರಿಗೆ ಇದು ಸಾಮನ್ಯ ಕಲ್ಲಿನ ದೇವಸ್ಥಾನದಂತೆ ಭಾಸವಾಗುತ್ತದೆ. ಆದರೆ, ಚರಿತ್ರೆಯನ್ನು ತಿಳಿದರೆ ಮೈ ರೋಮಾಂಚನವಾಗುತ್ತದೆ. ಇಲ್ಲಿ ಕನ್ನಡದ ಮೂಲ ಬೇರುಗಳು ಟಿಸಿಲೋಡೆದಿವೆ, ಹಿಂದೂ ಧರ್ಮದ ಶಕ್ತಿ ಪಸರಿಸಿದೆ, ಪ್ರಾಚೀನ ಧಾರ್ಮಿಕ, ಶೈಕ್ಷಣಿಕ ಕೇಂದ್ರವಾಗಿ ಸಾವಿರಾರು ವರ್ಷಗಳ ಕಾಲ ಮೆರೆದಿರುವ ಈ ತಾಣದ ಅಭಿವೃದ್ದಿ ಅವಶ್ಯವಾಗಿ ಆಗಬೇಕಾಗಿದೆ.
ಈ ನಿಟ್ಟಿನಲ್ಲಿ ಸಂಸದ ಬಿ.ವೈ. ರಾಘವೇಂದ್ರ ಹಾಗೂ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರಿಗೆ ಮನವಿ ಮಾಡಿ ಈ ಕ್ಷೇತ್ರದ ಅಭಿವೃದ್ಧಿ ಬಗ್ಗೆ ಯೋಜನೆ ರೂಪಿಸುವುದಾಗಿ ತಿಳಿಸಿದರು.
ಈ ಸಂದರ್ಭದಲ್ಲಿ ಕರ್ನಾಟಕ ರಾಜ್ಯ ಅರಣ್ಯ ಅಭಿವೃದ್ಧಿ ನಿಗಮದ ಉಪಾಧ್ಯಕ್ಷರಾಗಿ ಮೊದಲ ಬಾರಿಗೆ ಗ್ರಾಮಕ್ಕೆ ಆಗಮಿಸಿದ ಅವರನ್ನು ಸನ್ಮಾನಿಸಲಾಯಿತು. ನಂತರ ಗ್ರಾಮದಲ್ಲಿ ನೂತನವಾಗಿ ನಿರ್ಮಾಣ ವಾಗುತ್ತಿರುವ ವೀರಭದ್ರೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿ ಮಾಹಿತಿ ಪಡೆದರು.
ಟೌನ್ ಬಿಜೆಪಿ ಅಧ್ಯಕ್ಷ ಮಂಚಿ ಶಿವಾನಂದ, ತಾಲ್ಲೂಕು ಕೃಷಿಕ ಸಮಾಜದ ಸದಸ್ಯ ಚನ್ನವೀರಪ್ಪ, ಕನ್ನಡ ಸಂಶೋಧನೆ ಮತ್ತು ಅಭಿವೃದ್ಧಿ ಪ್ರತಿಷ್ಠಾನದ ಅಧ್ಯಕ್ಷ ಎಂ.ನವೀನ್ ಕುಮಾರ್. ತೊಗರ್ಸಿ ಪ್ರಾಥಮಿಕ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಪರಶುರಾಮ, ಗ್ರಾಮಾಭಿವೃದ್ದಿ ಸಮಿತಿ ಅಧ್ಯಕ್ಷ ಬಸವರಾಜಪ್ಪ, ಕಾರ್ಯದರ್ಶಿ ಅಶೋಕ್, ಪ್ರಾಂಶುಪಾಲರಾದ ಬೂದೇಶ್ ಉಪಸ್ಥಿತರಿದ್ದರು.